Эрүүдэн шүүх гэж төрийн албан тушаалтан буюу албан үүрэг гүйцэтгэж буй этгээд, өөрөө эсхүл түүний өдөөн хатгасанаар буюу ил, далд зөвшөөрлөөр хэн нэг этгээдийг өөрөөс нь буюу гурав дахь этгээлээс мэдээлэл авах, хэрэг хүлээлгэх, үйлдсэн буюу үйлдсэн гэж сэжиглэгдэж буй хэрэгт нь шийтгэх, айлган сүрдүүлэх аливаа үндэслэлээр ялгаварлан гадуурхах шалтгаанаар бие мах бод, сэтгэл санааны хувьд санаатайгаар хүчтэй өвтгөх, шаналгах аливаа үйлдлийг ойлгоно.
Баривчлах үед өөрийгөө хамгаалах нь
Цагдаагийн байгууллагын албан хаагч нь баривчлах, албадан саатуулах үед эхлээд өөрийгөө танилцуулах ёстой. Жишээлбэл: Баянзүрх дүүргийн цагдаагийн хэлтсийн мөрдөн байцаагч, ......... хувийн дугаартай цагдаагийн ахлагч ...... овогтой ........ гэж танилцуулаад үнэмлэхээ заавал үзүүлэн. Баривчлах үндэслэл, журам танилцуулан, эрх, үүрэг танилцуулна. Хэрэв танд дээрх үйлдлийг хийгээгүй баривчилсан бол та гомдол гаргах эрхтэй. Таныг баривчилсаныг 24 цагийн дотор таны гэр бүлийн тань насанд хүрсэн гишүүнд, эсхүл төрөл садангийн хүн, өмгөөлөгчид нэн даруй мэдэгдэх ёстой.
Баривчлах байрны нөхцөл нь өдөрт 2-оос доошгүй хоолоор хангах, өдрийн 2200 килокалор нэг хүнд 2 ам метрээс доошгүй талбай ногдох ёстой.
Иймд та цагдаа нарын буруутай үйл ажиллагаас болж эрх нь зөрчигдсөн бол гомдол гаргах эрхтэй.
Цагдаагийн байгууллагын Ёс журмын албаны утас: 70121515

. Сэтгэгдэл бичих! . Найздаа илгээх